لمشاهدة الموضوع بالفيديو من هنا
أولا الهجره :-
الهجره لأمريكا بتكون عن طريق القرعه او اللوترى
او عن طريق عقد عمل دائم او مؤقت
طبعا الهجره لامريكا عن طريق القرعه اللى هى معروفه بـ (اللوترى) تعتبر من اسهل طرق الهجرهلكن فرصة الفوز فى القرعه بتكون ضعيفه , خصوصا ان بيسجل فيها سنويا حوالى 50 مليون شخصلكن عدد اللى بيفوزوا بيكون من 50 ل55 الف شخص فقط وبيتم فتح باب التسجيل فيها كل عام فى شهر أكتوبر , وبيكون اعلان النتائج فى شهر مايو من العام التالىطريقة التسجيل فى القرعه سهل جدا ومش بيستغرق اكتر من 10 او 15 دقيقه بحد اقصىلكن طبعا مش هقدر اشرحه بالفيديو حاليا لان ده مش موعد التقديم فبيكون غير متاح على الموقعلكن ان شاء الله او مايتم فتح باب التقديم هنزل موضوع خاص اشرح فيه طريقة التقديم على الموقع بالتفصيلوعموما هسيبلكم الموقع الرسمى للتسجيل تحت فى نهاية الموضوع الطريقه التانيه من طرق الهجره لامريكا هى الحصول على عقد عمل دائمالطريقه دى بتعتبر من الطرق السريعه للهجره لامريكا لكن مشكلتها انها مش بتتناسب مع الجميعومعظم اللى ممكن يستفادو من الطريقه دى هما اصحاب المهن المطلوبه فى امركيا بشكل كبيرويعتبر الصيادله والأطباء والمهندسين فى التخصصات المختلفه هما الاكتر استفاده من الطريقه دىوطبعا ده بيتم عن طريق التواصل مع الشركات او المستشفيات وغيرها للحصول على عقد عمل وفى حالة احتياجهم لموظفين بيتم اجراء مقابلات للاشخاص المتقدمين عن طريق الانترنت وده بيتم من خلال مكالمة فيديو بيتم فيها طرح بعض الاسئله والاختبارات اللازمهوفى حالة القبول بيتم ترجمة الشهادات الموجوده وبيتطلب اجراء معادلات فى اغلب الاحيانالنوع التانى من عقود العمل فى امريكا وهو ( عقد العمل المؤقت )العقد ده بيمنحك فرصه للهجره والعمل فى امريكا لكن بشكل مؤقت مش دائم
بيكون مجال العمل من المجالات المؤقته زى مجال الزراعه والبساتين والمنتزهات وغيرهاوالمعروف طبعا انها بتكون خلال فترة الربيع او الصيف وبعد انتهاء العقد بتضطر انك ترجع تانى
ومن ابرز الشروط المطلوبه للهجره بعقد عمل مؤقت هى ان يكون المتقدم طالب جامعى ولازم يكون التحق بالجامعه لمدة ترم واحد على الاقل قبل التقدم بطلب الهجره المؤقتهوكمان الطريقه دى من الهجره مرتبطه بتقديم الرعايه من جهة امريكيه رسميهولازم تكون الجهه دى مسجله لدى الحكومه الامريكيه زى المعهد الامريكى للدراسات الاجنبيه مثلاوفيه فى امريكا حوالى 39 مؤسسه رسميه بتقدم خدمة الرعايه لطالبى الهجره المؤقتهكمان فيه سن محدد للتقديم وهو من 18 لـ 28 سنه كحد اقصى وطبعا شرط المعرفه الجيده باللغه الانجليزيه----------------------------------------------------------------------------------------------نيجى بقى للجزء التانى وهو اللجوء :-
قبل مانبدأ خلينا نلقى نظره تقريبيه على عملية اللجوء وانواعها والفرق بينهازى ماقولنا فى الاول ان انواع اللجوء فى امريكا هما ( اللجوء السياسى – واللجوء العادى )وقولنا ان اللجوء السياسى بيكون خاص اكتر بالمشاهير ومالوش سبب معين ثابت يعنى مثلا ممكن يتم منح اللجوء السياسى لرجل دين معروف بسبب آرائه الدينيه او آرائه السياسيه فى بلدهولكن لأن ده شخص مشهور مش هيطلب اللجوء العادى هيطلب اللجوء السياسى وطبعا فرصة قبوله كبيرهاما اى شخص تانى عادى غير معروف لو طلب اللجوء لاسباب دينيه او حتى سياسيه او اى سبب تانى هيدخل ضمن اللجوء العادى وغالبا ده بيكون افضل ليه , لان ببساطه شبه مستحيل يتم منحه لجوء سياسىبالنسبه للجوء العادى فهو متاح لأى شخص معرض للخطر فى بلده بشرط اثبات الخطر ده يعنى مثلا لو انت معرض لخطر الموت او السجن او التنكيل والتعذيب والاضطهاد بسبب معين زى الانتماء لدين معين , او الآراء السياسيه الغير مقبوله فى بلدك او انتمائك الى طائفه عرقيه معينه او بسبب اللون او الميول الجنسيه او بسبب النزاعات والحروب واعتقد دى بتكون واضحه مش محتاجه اثبات زى سوريا وغيرهالكن لو اى سبب تانى من الاسباب السابقه لازم يتم اثبات ده بالوثائق والادله الماديهكمان من ضمن الشروط هو التواجد داخل الولايات المتحده ويتم تقديم الطلب خلال اول عام ليك فى البلدطريقة تقديم طلب اللجوء فى امريكا : اولا بتقوم بتحميل استمارة اللجوء من الموقع الرسمى لوزارة الداخليه الامريكيه , هسيبلكم اللينك تحت الموضوعبعد كده بتقوم بتعبئة الاستماره بالبيانات والمعلومات المطلوبه وبتعرف من خلالها الاماكن اللى تقدر تقدم فيها ملف اللجوء حسب المدينه اللى انت عايش فيهاكمان لو كنت معاك اسرتك تقدر تضيف زوجتك واولادك اللى تحت سن 21 سنه ومش متزوجينولازم تركز كويس جدا وانت بتملى الاستماره وتنتبه لكل بند فيها
مميزات اللجوء فى امريكا : - الميزه الاولى هى التنوع الثقافى الكبير واللى ظاهر فى كل المجالات ومعالم الحياه بشكل عام- كمان سهولة التعايش فى الولايات المتحده نظرا لوجود عرب امريكان بنسبه كبيره - طبعا بيكون من حقك التمتع بكل خدمات ومرافق الدوله , وليك الحق فى العلاج والتعليم ليك ولأولادك- كمان المجتمع الامريكى مجتمع منفتح على العالم بشكل كبير عكس كتير من المجتمعات الاخرىوده بيظهر بوضوح فى تعامل المواطنين الامريكيين مع غيرهم من الجنسيات المختلفه
وزى ماذكرنا المميزات لازم نذكر المساوئ برده :بالطبع فيه عيوب للجروء فى امريكا زى اى مكان تانى ومن ابرز العيوب دى هى الامن رغم ان امريكا تعتبر من اقوى دول العالم , الا ان الامان فيها لا يمكن ضمانه بأى شكللانها مشهوره بانتشار السلاح وعصابات الشوارع فى احياء ومنطاق كتيره كمان المساحه الكبيره للولايات المتحده بتشكل صعوبه عند بعض الناس يعنى لو انت مقيم فى مكان وليك اصدقاء او حد من اسرتك فى ولايه تانيه هيكون صعب زيارتهم كمان من اصعب الامور اللى بتواجه اللاجئين فى امريكا هى فرصة الحصول على عملوالحاجه الاخيره هى ارتفاع ضريبة الدخل وضريبة الضمان الاجتماعى والتكاليف الطبيه
نصائح حول اللجوء إلى امريكا : - تقديم اللجوء اللجوء الى امريكا مجانا ولا يحتاج لأى رسوم , يعنى ماتدفعش اى فلوس لاى جهه- لا تحاول تقديم اى وثائق مزوره لانه هيتم كشفها هتتعاقب عليها- قدم كل الادله اللى تقدر توفرها عشان تثبت انك فعلا محتاج اللجوء وانك تستحقه- انتبه لأى اجابه تقولها اثناء المقابله , ممكن يسألك نفس السؤال مره تانيه واختلاف الاجابه معناه ان فيه كذب فى الموضوع يعنى بشكل كبير هيتم رفض طلبك
وفى النهايه اتمنى يكون الشرح وافى وواضح ومفيد للجميع
ولو شايف انه كان مفيد ليك شاركه مع غيرك عشان الكل يستفيد
ونتقابل على خير فى المقال الجاى ان شاء الله ,,,,,,,,,,,,,,,
المصدر : https://www.uscis.gov/
لينك تحميل إستمارة اللجوء : https://www.uscis.gov/i-589