اهلا وسهلا بيكم فى
موضوع جديد هنتكلم فيه مع بعض عن الهجره لكندا بالتفصيل
هنتكلم عن البرامج
المتاحه للهجره لكندا وشروط كل برنامج منهم
وازاى تقوم بكل خطوات التقديم بنفسك بعيد عن اى وسيط
وتحذير شديد بخصوص
المواقع المزيفه والنصابه اللى منتشره بشكل كبير مؤخرا
واللى بتدعى انها شركات
متخصصه ورسميه بتساعد على الهجره لكندا
وفيه من اللى بيقول انك
ممكن تهاجر لكندا عن طريق القرعه او الهجره العشوائيه
وهنعرف مع بعض ازاى
نتلاشى الاعلانات والمواقع المذيفه دى
ونتبع الطريق الصحيحه
والقانونيه للهجره ومن خلال موقع الهجره الحكومى فقط
تابع معايا للآخر ولو اول مره بتشوفنى وشايف ان المحتوى مفيد
اضغط لايك وشارك الفيديو مع غيرك عشان الكل يستفيد
واشترك فى (القناه على يوتيوب) وفعل الجرس عشان تشوف اى فيديو جديد
الهجره لكندا عن طريق
القرعه او اللوترى دا موضوع مالوش اى اساس من الصحه
موضوع القرعه اللى
بتختار بشكل عشوائى زى امريكا كده دا مش موجود فى كندا
الهجره لكندا بتتم عن
طريق نظام محدد بيعتمد على جمع النقاط وليه شروط معينه
واختيارك للهجره لكندا
بالتحديد بيعتمد على قوة ملفك من الناحيه العلميه والخبره المهنية
البرنامج الاول هو الهجره عن طريق نظام الدخول السريع او ( الاكسبريس انترى )
طبعا واضح من اسمه ان الغرض منه هو تسريع اجراءات الهجره لكندا
ودا برنامج موجه
للأشخاص اللى عاوزين يسافروا كندا ويعيشوا فيها بشكل دائم
وبيتميز بأنه بيعتمد على التنافس والتفاضل بين الاشخاص المتقدمين
وشروط البرنامج دا
بسيطه جدا واولها تسجيل بياناتك على الموقع الحكومى المخصص
وارفاق كل المستندات
الضرورية المطلوبه بحسب الخانات الموجوده على الموقع
ودى اللى بيتم على
اساسها تقييم الشخص ومنحه عدد النقاط الموازى لمهارته وخبرته
وهسيبلكم اللينك بتاع
الموقع الرسمى للحكومه الكنديه تحت
واخيرا فى حالة تلقى
دعوة رسميه من ادارة الهجره الكنديه بقبول طلبك مبدئياً
لازم تقوم بانهاء كل الاجراءات المطلوبه فى مده اقصاها 60 يوم
وعشان تكون مؤهل
لبرنامج الهجره السريع دا لازم تخضع لمعايير وشروط معينه
يعنى العمر مايزيدش عن
47 سنه
والمؤهل العلمى يكون مش
اقل من 3 سنين ويكون من جامعه او مؤسسه معترف بها
والخبره فى العمل تكون
مش اقل من سنه واحده فى اى مهنه من الموجودين فى القائمه
وكمان لازم تكون كنت
بتشتغل بدوام كامل ودائم ومدفوع
وبالنسبه للغه لازم
تحقق الحد الادنى من الدرجات فى كل وحده من امتحان ايلتس
ولازم تكون كل الاوراق
اللى ذكرناها دى بتحقق مش اقل من 67 نقطه من100
وبالنسبه لباقى الاوراق
والمستندات المطلوبه بتكون موضحه على الموقع
طبعا مش هقدر اذكرها
لانها بتختلف من شخص لشخص حسب المهنه والمجال
وبيتميز برنامج الهجره السريع لكندا بمجموعة مميزات مش بتتوفر ف كتير من الدول
اولها انه بيمنحك فرصه
للحصول على وظيفه من خلال بنك الوظائف الخاص به
وبيعتبر بنك الوظائف ده
زى مبادره مقدمه من الحكومه لمساعدة العمال المهره
وممكن للمقاطعات
والاقاليم تجنيد ودعوة المرشحين باستخدام اكسبريس انترى سيستم
كمان مدة معالجة طلب
الهجره السريعه لكندا بتكون 6 شهور بحد اقصى
ودا يعتبر اسرع برنامج
من بين كل برامج الهجره اللى بتقدمها كندا
لكن زى ماقولنا الموضوع
فى النهايه بيعتمد على مدى خبرة وكفاءة ومهارة الشخص
البرنامج التانى هو ( برنامج
الهجره الريفية الشماليه لكندا )
ودا برنامج عملته
السلطات الكنديه بالتعاون مع بعض الجمعيات الريفيه فى كندا
وبيهدف لاستقطاب ايدى
عامله وعمال مهره للمناطق الريفيه للمساعدة فى ازدهارها
وبيهدف البرنامج فى
الاساس للحفاظ على العماله الوافده اليه
من العمال واصحاب المهن الحرفيه المهره وتحقيق الاستقرار لهم زى المواطنين
وشروط البرنامج دى
اولا الحصول على توصيه من المقاطعات اللى
محتاجه مهاجرين
وعشان تحصل على التوصيه
الاقتصاديه من المقاطعه الكنديه
لازم اولا طبعا تكون
المقاطعه دى محتاجه لمجال عملك او مهنتك
ولازم يتأكدوا من نيتك على الاستقرار والبقاء بشكل دائم داخل المنطقه دى
يعنى المقاطعه اللى
هتحصل على توصيه منها هتكون هى مكانك اللى هتستقر فيه
ولازم تتجاوز اختبارات
المهاره فى المهنه والمهارات اللى بتتمتع بها بشكل عام
واخيرا التحقق من
افكارك تجاه المجتمع اللى المفروض هتعيش فيه ان كانت مناسبه ولا
تانى شرط انك تكون عندك
خبره مهنيه كافيه
بشهاده تعادل الثانويه
العامه فى كندااو شهاده من مؤسسه مموله من القطاع العام الكندى
وشروط الحصول على شهادة
الخبره المهنيه انك تكون تجاوزت عدد 1560 ساعه عمل
سواء كان العمل دا
بدوام كامل او جزئى فى خلال 3 سنين متواصله
وان يكون جميع ساعات
العمل دى كانت فى نفس التخصص اللى انت ذكرته
حتى لو اختلف مكان
العمل نفسه او المؤسسه اللى انت شغال فيها بس المهم نفس المهنه
ومش بيتم احتساب ساعات
العمل الغير رسميه يعنى لو كانت تطوع او تدريب مثلا
واخيرا لازم تجتاز
الاختبارات اللى محدداها السلطات الكنديه
وتكون مطابق للشروط
اللى حددها التصنيف المهنى الوطنى من حيث الخبره والمهاره
تالت شرط يكون عندك عرض عمل فى واحده من المقاطعات اللى محتاجه مهاجرين
ودا بيكون عن طريق
البحث فى المواقع الالكترونيه الرسميه التابعه لكل مقاطعه
ويكون عدد ساعات العمل
للعقد دا مش اقل من 30 ساعه اسبوعيا بحسب قانون العمل
ويكون الاجر متساوى مع
الحد الادنى للاجور فى كندا خلال فترة العمل
وان مايتمش تحديد تاريخ
لانتهاء العقد بينك وبين المؤسسه اللى هتحصل عليه منها
وانك تتجاوز اختبار
التجربه المهنيه اللى بيوضح قدرتك على تنفيذ مهام مهنتك
ولازم طبعا تكون
الوظيفه مناسبه لمستوى قدراتك او اعلى بمستوى واحد كحد اقصى
وبالنسبه للطلاب الدوليين فهما معفيين من الشروط دى ومن شهادة الخبره المهنيه
الشرط الرابع هو اجتياز
اختبارات اللغه الاساسيه فى المقاطعه اللى هتهاجر ليها
بيتم اجراء اختبار الحد
الادنى من اللغه وفق للغه الرسميه فى المقاطعه وجهة العمل
ودا إختبار بتقوم بيه
السلطات الكنديه ولازم طبعا تجتازه وتنجح فيه
الشرط الخامس هو تجاوز
الاختبارات التعليميه المقرره
ودى بتكون مجموعه من
الاختبارات التعليميه بتعملها السلطات المختصه فى كندا
وبتكون متناسبه مع
الشهادات اللى انت قدمتها بناء على مجال عملك وخبرتك ومهاراتك
والشهادات دى لازم تكون
حديثه لم يمر عليها اكتر من 5 سنوات وقت تقديم الطلب
الشرط السادس هو تقديم
اثبات القدره الماليه على الانفاق على نفسك واسرتك فى البدايه
بتقدم كشف حساب بنكى
يوضح انك قادر تعول نفسك واسرتك لحد ماتبدأ تشتغل وكده
وبالنسبه للناس اللى
بتقدم وهى بالفعل داخل كندا فمش مطلوب منهم طبعا الشرط دا
والشرط السابع والاخير
هو تقديم اقرار يثبت نيتك فى البقاء
دا بيكون عباره عن
اقرار بتحصل عليه من المقاطعه اللى انت مهاجر ليها
وبتملى كل البيانات
اللى فيه وتوقع عليه انك موافق على البقاء فيها بشكل نهائى
البرنامج التالت من
برامج الهجره لكندا هو الهجره التجاريه او هجرة الأعمال
ودا برنامج معمول
للاشخاص القادرين على المساهمه فى تنمية الاقتصاد الكندى
من خلال مهاراتهم
الاستثماريه والاداريه وخبراتهم العمليه وهكذا
وطبعا الاشخاص اللى
هيقدموا فى الفئه دى لازم يكون عندهم موارد ماليه كافيه
ودى اللى هتكون راس
ماله اللى هيشتغل بيه عشان يساعد فى النمو الاقتصادى الكندى
وكمان هيبقى بيساعد فى
توسعة سوق العمل وخلق فرص عمل جديده
اى حد شايف ان عنده
القدره على تقديم دعم قوى للاقتصاد الكندى
يقدر يقدم طلب الهجره لكندا ضمن اطار هجرة الاعمال المحدده فى 3 فئات تجاريه وهى أ
- برنامج المهاجر المستثمر :
ودا برنامج بيهدف لجذب
رجال الاعمال واصحاب الخبره اللى عاوزين يستثمروا
وبيكون شرط ان المتقدم
يقدم مايثبت امتلاكه مالا يقل عن 800 الف دولار كندى
وبرده لازم يتم اثبات
ان الثروه دى حصل عليها بشكل شرعى وقانونى
ولازم بعد مايهاجر يقوم
باستثمار مبلغ لا يقل عن 400 الف دولار امريكى
ب – برنامج رواد الاعمال :
ودا موجه للأشخاصاللى
بيخططو للقيام بدور عملى فى مساهماتهم فى الاقتصاد الكندى
ومتطلبات القيمه
الصافيه لبرنامج رواد الاعمال اقل من المهاجرين المستثمرين
رواد الاعمال بيكون
مطلوب منهم اثبات امتلاكهم لـ300 الف دولار كندى على الاقل
ولازم يلتزموا بادارة
وامتلاك تلت الامال التجاريه الكنديه على الاقل خلال 3 سنوات
لان دا طبعا هيساهم فى
خلق فرص عمل او هيحافظ عليها
ج- برنامج المهاجرين
العاملين فى حسابهم الخاص :
ودا برنامج مخصص
للاشخاص اللى شغالين لحسابهم الخاص من ذوى الخبرات والمهارات المتعلقه بالمجالات
الرياضيه والثقافيه
ويكونوا قادرين على
اعالة نفسهم وعائلتهم من خلال دخلهم من العمل ده
عشان تكون مؤهل
للبرنامج ده هتحتاج تثبت خبرتك المهنيه فى المجال طبعا
بالاضافه الى اظهار
المؤهلات الفنيه بحسب المعايير المطلوبه
وتقدر تطلع على كل البرامج الخاصه بالهجره وكل تفاصيلها من خلال الموقع الرسمى
واللى هتلاقيه موجود فى
الوصف تحت الفيديو وهو دا الموقع الوحيد للحكومه الكنديه
الموقع الرسمى لإدارة الهجره الكنديه :
https://www.canada.ca/en.html