المانيا تعتبر من أكبر
دول الاتحاد الاوروبى والعالم كله من الناحيه الاقتصاديه
بتتميز بإقتصاد قوى
ومزدهر ودا بسبب اعتمادهم على تطوير قطاعين اساسيين
وهما القطاع الزراعى والقطاع الصناعى واللى يعتبروا هما عصب اى اقتصاد
المانيا فيها اراضى
زراعيه كتير وبمساحات شاسعه وكمان مصانع كبيره وضخمه
وعلى الرغم من كده فهى
بتعانى من نقص كبير فى اليد العامله
وفى الموضوع دا ان شاء الله هحاول اجاوب على سؤال تم طرحه اكتر من مره
( ايه هى اكتر المهن
المطلوبه فى المانيا ؟ وايه هو معدل الاجور لكل مهنه منهم )
عشان تعرف الاجابه بالتفصيل تابع معايا للآخر ولو اول مره بتشوفنى وشايف ان المحتوى مفيد
اضغط لايك وشارك الفيديو مع غيرك عشان الكل يستفيد واشترك فى (القناه على يوتيوب) وفعل الجرس عشان تشوف اى فيديو جديد
-------------------------------------------------------------------------------
فى البدايه لازم نعرف
ان الكلام اللى هنقوله دا ممكن يختلف من مدينه لمدينة فى المانيا
يعنى فيه مثلا مهن
معينه بتكون ضمن المهن المطلوبه بشكل كبير فى المانيا بشكل عام
لكن الطلب على المهن دى
احيانا بيقتصر مثلا على مقاطعات معينه دون غيرها
يعنى ممكن نلاحظ ان فيه
بعض المدن فيها اكتفاء من المهن دى او اغلبها
لكن احنا هنطرح الموضوع
ونتكلم عن المهن المطلوبه على المستوى العام للبلد
المهنه الأولى ( الطب )
الهجره للعمل فى مجال
الطلب يعتبر البوابه الأشهر للمهاجرين المتجهين لألمانيا
لان القطاع الصحى فى
المانيا فيه نقص كبير فى العاملين بمختلف التخصصات
ودا طبعا مش معناه ان
هما ماعندهمش دكاتره هما عندهم بس محتاجين اكتر واكتر
اتساع العمل فى المجال
الطبى والصحى فى المانيا واللى مش مقتصر على المواطنين
جعلها من اشهر الدول اللى بيروحها الاجانب سنوياً بغرض العلاج فيها
بالاضافه كمان لهجرة
عدد كبير من الاطباء الالمان للنرويج والدول الاسكندنافية
ودا لان مستوى الاجور
فيها فى القطاع الطبى بالتحديد بيكون مرتفع جدا عن المانيا
على المستوى العربى بيهاجر لالمانيا كتير من الاطباء خصوصا من مصر وفلسطين
ودا بنلاحظه فى
المستشفيات الالمانيه بنلاقى دكاتره كتير مصريين وفلسطينيين
وبالنسبه لتخصص طب
الأسنان فهو يعتبر الاقل من حيث الطلب على المستوى الطبى
بالنسبه للرواتب فى
اوروبا عموما بيتم احتسابها بشكل سنوى مش شهرى
وبتتراوح رواتب الاطباء فى المانيا مابين 85.000 لـ 150.000 يورو سنوياً
والاطباء اللى عندهم
خبره اكتر من 10 سنوات بتوصل رواتبهم احيانا لـ300 الف يورو
المهنه التانية ( خبراء تكنولوجيا المعلومات )
يعتبر مجال تكنولوجيا
المعلومات من اكتر المجالات المطلوبه فى اوروبا بشكل عام
ودا مجال كبير وواسع
طبعا وبيضم مهن كتير زى مهندسين النظم ومحللين الأمن
والمبرمجين والمصممين
ومطورين المواقع والشبكات وغيرها كتير التخصصات
وتعتبر وظائف المجال
التكنولوجى فى صناعة السيارات هو الأكتر من حيث الطلب
وخصوصا فى بعض الولايات
الالمانيه المشهوره بمجال صناعة السيارات فى المانيا
زى ولاية (بادن
وفورتمبيرغ) واللى بيضموا مجموعة من اشهر مصانع السيارات
وبالنسبه لرواتب المجال التكنولوجى بشكل عام بتكون بمتوسط 66.000 يورو سنويا
ولكن بعد الخبره
والترقيه فى المكان اللى انت فيه ممكن توصل ل80.000 يورو سنويا
ولو وصلت بالترقيات
لدرجة مدير مثلا ممكن يوصل راتبك ل124.000 يورو سنويا
المهنة التالته (
التمريض )
مهنة التمريض تعتبر من
بين اكتر المهن المهمه والمطلوبه فى المانيا واوروبا عموما
ودا لان زى ماقولنا
المجال الصحى بشكل عام فى المانيا بيعانى من نقص فى العاملين
وبرده لنفس السبب وهو
هجرة الممرضين للنرويج لانها مهنه مطلوبه هناك جدا
وكمان لان معدل الاجور
فى المهنه دى فى النرويج يعتبر مرتفع جدا مقارنة بالمانيا
بالنسبه لرواتب التمريض فى المانيا فهى بمتوسط 100,000 يورو سنويا
يعنى الراتب الشهرى
للتمريض بيتراوح مابين 3700 لـ14.000 يورو كحد اقصى
المهنه الرابعه ( رعاية كبار السن )
يعتبر مجال العمل
الاجتماعى وخصوصا وظيفة رعاية كبار السن
من اكتر المهن المطلوبه فى اوروبا بشكل عام والمانيا بشكل خاص
يعنى تقدر تعتبرها مهنه
بتسهل عليك طريق الهجره لألمانيا لو حصلت على عقد عمل
وهى تعتبر من اسهل طرق
الهجره لانها بالفعل سهله فى تنفيذها
سواء من خلال مواقع فرص العمل او المنظمات التطوعيه او حتى بالتواصل المباشر
يعنى بيكون فيه بعض
مواقع التوظيف فيها اعلانات عن وظائف خاصه بكل المجالات
بتلاقى عليه وظائف
مطلوب مربيه اطفال مثلا او مرافق لشخص مسن وهكذا
بيكون اللى منزل
الاعلانات دى شركات توظيف وسيطه واحيانا صاحب الشأن نفسه
فانت ممكن تتواصل معاه
وقتها وتعمل اتفاق معاه على كل شئ وهو يبعتلك العقد
طبعا الموضوع هيحتاج وقت ومحاولات كتير لحد ماتوصل للمحاوله الناجحه
لكن على كل حال مفيش حاجه بتيجى بسهوله لازم تبحث وتحاول وتجرب
المهنه الخامسه ( مجال
الهندسه )
ودا مجال كبير وبيضم
تخصصات كتير مختلفه هنذكر المطلوب منها فى المانيا
زى الهندسه الميكانيكيه
وهندسة السيارات والهندسه الكهربائيه والالكترونيات
وهندسه هيكليه وهندسة
المعادن واللحام وهندسة الاتصالات والشبكات
وعلوم الكمبيوتر
وتكنولوجيا المعلومات واختبار التطبيقات والمواقع الالكترونيه
وبالنسبه لمتوسط الرواتب
للتخصصات دى فبتتراوح مابين 45 لـ60 الف يورو سنوياً
طبعا احنا ذكرنا اول او اكتر خمس مهن مطلوبين فى المانيا فى الوقت الحالى
لكن مش معنى كده هى دى
بس المطلوبه , فيه مهن تانيه كتيره فى مجالات مختلفه
زى المهن الخاصه
بالشركات والمصانع الخاصه مثلا والاعمال الحرفيه وغيره
ودا بيشمل العماله
العاديه والحرفيين زى عمال السباكه وعمال البناء والشيفات
والمحاسبين الماليين
وخبراء المبيعات وعمال التكييف والتدفئه وعمال الزراعه
والوظائف دى بشكل عام
بتكون رواتبها مابين 30 لـ 40 الف يورو سنويا
وعلى كل حال هسيبلكم تحت
الفيديو روابط اشهر مواقع البحث عن عمل فى المانيا
تقدروا من خلالها
تشوفوا الوظائف المعروضه حسب تخصصكم
وتبدأو فى مراسلة الشركه الوسيطه او صاحب العمل وتبعتو السي فى
طبعا انت بتعمل كده ف اى اعلان تشوفه مناسب ليك وبتنتظر الرد من اى واحد فيهم
من المعروف ان المانيا
معدل الاجور فيها مش الاكبر فى اوروبا لكنها افضل من غيرها
بالاضافه كمان لانها
تعتبر واحده من اكتر الاقتصادات استقرار فى العالم
وبالنسبه للوظائف
الاعلى من حيث الاجر فى المانيا
المستشارين بانواعهم سواء كان فى مجال القانون او المحاسبه والاداره والتعليم
وغيرها
والمهندسين بمختلف
التخصصات وبيعتمد الموضوع على الخبره والمسمى الوظيفى
والمبرمجين او
المتخصصين فى مجال تكنولوجيا المعلومات بشكل عام
وبرده المحامين لكن بيختلف الموضوع على حسب المكان اللى انت شغال فيه
فيه شركات صغيره بتكون رواتبها اقل وفيه شركات متوسطه وشركات كبيره وهكذا
كمان راتب الطبيب يعتبر
من اعلى الرواتب فى المانيا وبيزيد الراتب حسب الخبره
ومديرين المبيعات برده
من الرواتب العاليه فى المانيا وبرده بيعتمد على خبره والمهاره
واخيرا المديرين فى
اغلب المجالات بيكون راتبهم عالى جدا خصوصا المدير العام
سبب الاختلاف الكبير
بين الرواتب فى المانيا هو بعض العوامل والمعايير المؤثره
زى المهنه ومجال العمل
وحجم المؤسسه او الشركه ومنطقة العمل نفسها
وكمان المؤهلات الشخصيه
والمستوى التعليمى والعمر والخبره العمليه
اغلب المهن زى ماحنا عارفين بتخضع لقانون العرض والطلب
عشان كده من الطبيعى ان
يكون فيه مهن معينه رواتبها اعلى من مهن تانيه والعكس
و زى ماقولنا حجم
الشركه نفسها بيفرق كل ماتكون الشركه اكبر بيكون الراتب اكبر
وبرده بيختلف الراتب
على حسب المنطقه او المدينه اللى انت شغال فيها
يعنى مثلا فى المانيا
بنلاقى ان الرواتب فى مدن غرب المانيا افضل بكتير من الشرق
وفى ولايات المانيا
الجنوبيه برده بيكون الراتب افضل من ولايات الشمال
وعلى عكس المتوقع
بنلاقى الراتب فى العاصمه برلين اقل بكتير من غيرها من المدن
salaryexplorerوعلى كل حال هسيبلكم تحت رابط موقع
ودا موقع متخصص فى
احصائات الرواتب فى اغلب دول العالم
هتقدر من خلال الرابط
دا تتعرف على مستوى الاجور ومتوسط الاجور
وكمان اجر كل مهنه فى المانيا وكل التفاصيل المتعلقه بالرواتب فى المانيا
وكده نكون وصلنا لنهاية
الفيديو اتمنى اكون قدرت اقدملكم معلومات مفيده
ولو عجبك الفيديو وحسيت
انه مفيد اعمل لايك وشاركه مع غيرك
ومتنساش تشترك فى
القناه وتفعل زر الجرس عشان تشوف اى فيديو جديد
ونتقابل على خير فى الفيديو الجاى ان شاء الله ,,,
اشهر مواقع البحث عن
عمل فى المانيا :
https://www.absolventa.de/
https://www.arbeitsagentur.de/
https://www.arbeitsagentur.de/
https://www.stepstone.de/en/
https://www.monster.de/jobs/
لإحصاءات الرواتب :salaryexplorerرابط موقع
http://www.salaryexplorer.com/ar/es/pt/salary-survey.php?loc=81&loctype=1