اهلا وسهلا بيكم فى
موضوع جديد جديد هنتكلم فيه عن دول الإتحاد الاوروبى ودول الشنجن
وايه هو الفرق بينهم وايه هى المنطقه الإقتصاديه الاوروبيه ورابطة التجارة الحره
وايه هى الدول الأعضاء فى اتفاقية شنجن ولكنهم مش اعضاء فى الاتحاد الأوروبى
وايه هى الدول الأعضاء فى الاتحاد الأوروبى ولكنهم مش اعضاء فى اتفاقية شنجن
وايه هى الدول اللى مش موجوده فى اوروبا اصلا ولكنهم اعضاء فى الاتحاد الاوروبى
هنتكلم عن اتفاقية شنجن ونشأتها وتاريخ فكرة انشاء منطقة الشنجن كلها
وهنذكر اهم الدول اللى ما انضمتش لدول الشنجن والدول المحتمل انضمامها قريب
وايه هى مميزات وعيوب الانضمام لمنطقة الشنجن بالنسبه للدول وبالنسبه للأشخاص
تابع معايا للآخر وركز معايا كويس,ولو كنت اول مره بتتابعنى وعجبك المحتوى
اعمل مشاركه للموضوع واشترك فى (القناه على يوتيوب) وفعل الجرس عشان تشوف اى فيديو جديد
---------------------------------------------------------------------------------
دول الشنجن دى عباره عن
منطقة فى اوروبا مكونة من مجموعة دول عددهم 26 دوله
وممكن لاى حد موجود فى اى دوله منهم انه يتنقل من دوله لدوله داخلهم بدون اى قيود
طالما الشخص دا معاه الفيزا الخاصه بمنطقة الشنجن وساريه مفيش اى مشاكل
وطبعا موضوع الربط بينهم دا سهل كتير على الناس اللى عايشه فى الدول دى
والدول دى اللى ربطهم ببعض بالشكل دا هى اتفاقيه تم التوقيع عليها منهم جميعا
اتفاقية شنجن اللى تم التوقيع عليها من سنة 1985 واللى نصت على ازالة الحدود بينهم
ايه هى الدول التابعه لمنطقة الشنجن ؟
الدول اللى وقعت على اتفاقية شنجن ولغت الحدود بينها زى ماقولنا 26 دوله
22 دوله منهم اعضاء فى الاتحاد الاوروبى والباقى من دول رابطة التجاره الاوروبيه
وهما النمسا وبلجيكا والتشيك والدنمارك واستونيا وفنلندا
وفرنسا والمانيا واليونان والمجر وايسلندا وايطاليا ولاتفيا
ليختنشتاين وليتوانيا ولوكسمبورج ومالطا وهولندا والنرويج
وبولندا والبرتغال وسلوفاكيا وسلوفينيا واسبانيا والسويد وسويسرا
وفيه دول احتمال تنضم لمنطقة الشنجن زى كرواتيا وقبرص ورومانيا وبلغاريا
طيب ايه هى الدول التابعه للإتحاد الأوروبى ؟
دى الدول اللى تعتبر جزء من الاتحاد الاوروبى واللى وقعت على معاهداته
وبيكون فرض على الاتحاد الحفاظ على سياساتها العسكريه والخارجيه والطنيه
ولكنها بتكون ملزمه بالمؤسسات القضائيه والتشريعيه للاتحاد الاوروبى
عددهم حاليا 27 دوله بعد خروج المملكه المتحده من الاتحاد الاوروبى مؤخرا
وهما النمسا و بلجيكا و بلغاريا
و كرواتيا و قبرص
والتشيك و الدنمارك
و استونيا و فنلندا
و فرنسا و ألمانيا
و اليونان و المجر
و أيرلندا
وإيطاليا و لاتفيا
و ليتوانياو لوكسمبورغ
و مالطا و هولندا
وبولندا
و البرتغال و رومانيا
و سلوفاكيا و سلوفينيا و إسبانيا و السويد
وفيه بعض الدول المحتمل دخولها للإتحاد الاوروبى وعددهم 5 دول
وهما تركيا والجبل الاسود و مقدونيا و صربيا و البانيا
الاتحاد الاوروبى بدأ سنة 1957 بـ6 دول بس ودول اللى هما يعتبروا المؤسسين
وهما بلجيكا وفرنسا والمانيا الغربيه وايطاليا ولوكسمبورج وهولندا
وكان اسمهم قبل كده ( الجماعه الإقتصادية الأوروبية ) مش الاتحاد الاوروبى
وفى سنة 1993 عملوا معاهدة ( ماستريخت) اللى هى الاتحاد الاوروبى الحالى
فى سنة 2009 دخلت معاهدة لشبونة بالتعديل الاخير على الاساس الدستورى للاتحاد
EEAفيه كمان مجموعة دول اسمهم (المنطقة الاقتصاديه الاوروبيه)
وبيرمزلها بـ
وهما عباره عن دول الاتحاد الاوروبى ومعاهم ايسلندا والنرويج وليختنشتاين
ودى نشأت سنة 1994 والغرض منها هو مشاركة السوق الاوروبى بشكل موحد
وكمان المشاركه فى كل برامج التعليم والتدريب التابعه للاتحاد الاوروبى
EFTA كمان فيه مجموعه اخيره مكونه من اربع دول
اسمها مجموعة
أو جمعية التجاره الحره الاوروبيه وهما ( ايسلندا والنرويج وسويسرا وليختنشتاين )
ودى نشأت سنة 1960 كبديل وقتها للدول اللى منفعش انها تنضم للمجموعه الاوروبيه
طيب هل جميع دول الإتحاد الأوروبى تعتبر من دول الشنجن ؟ الا جابه لا
لحد الان فيه 4 دول
منتسبه للاتحاد الاوروبى ولكنها مش تابعه لمنطقة شنجن
وهما ( بلغاريا
وكرواتيا ورومانيا وقبرص ) وكان معاهم قبل كده انجلترا وايرلندا
وبرده فيه بعض الدول
اللى مش تبع الاتحاد الاوروبى ولكنها تابعه لدول الشنجن
وهما ( النرويج و
ايسلندا و سويسرا )
وفيه تلت دول تانيين مش
موجودين فى اوروبا اصلا ولكنهم تابعين للاتحاد الاوروبى
وكمان تم الاتفاق معاهم
على اجزاء معينه من اتفاقية شنجن
وهما ( جزر الكنارى و جزر الأزور و جزر ماديرا )
كلهم جزر يعنى !
وتلت دول تانيين مش
تابعين لمنطقة الشنجن لكنهم فاتحين الحدود معاها وفقا للاتفاقيه
وهما ( الفاتيكان ,
وموناكو , وسان مارينو )
طيب ايه هى الاجراءات
اللى بتنطلب من اى دوله عشان تنضم لمنطقة الشنجن ؟
انضمام اى دوله لمجموعة
الشنجن بيكون ليه شروط ومتطلبات معينه لازم تلتزم بيها
- بتكون مسئوله عن
حماية دول الشنجن ومطالبه باصدار التأشيره الموحده لهم
- بتقدم التعاون اللازم
مع الاجهزه الامنيه لتوفير اقصى درجات الامن فى المنطقه
- بتلتزم بالتشريعات
بتاعة الاتفاقية وتحافظ على سرية المعلومات الخاصه بالمنطقة
- بتتعامل بنظام موحد مختص بالربط الالكترونى بين دول الشنجن
تعالو بقى نتعرف سريعا على تاريخ فكرة منطقة الشنجن من البدايه
من زمان جدا فى العصو
الوسطى تم طرح فكرة ازالة الحدود بين بعض الدول
عشان يسهل على المواطنين
حرية التحرك بينهم بسهوله ولكن ماتطبقتش الفكره وقتها
وبعد الحرب العالمين
التانيه ومعاناة اوروبا من الخسائر الفادحه اللى تسببت فيها الحرب
ظهرت من تانى فكرة
توحيد الدول وازالة الحدود وتسهيل حركة التجاره بينهم
واصبحت الفكره قيد
التنفيذ فى التمانينات كده ولكن مش كل الدول وافقت عليها وقتها
واول من اتخذ خطوه فى
تنفيذ الفكره كان المانيا وفرنسا سنة 1984
وتم طرح الفكره على
المجلس الاوروبى وتم وضع كل الشروط والقوانين سنة 1985
ومن وقتها تم اطلاق اسم
دول الشنجن وسبب الاسم دا هو ان الاتفاقية تم توقيعها فى مدينة شنجن الموجود فى
لوكسمبورج .
فى البدايه وقع على الاتفاقية 4 دول بس وهما المانيا وفرنسا وهولندا ولوكسمبورج
ولكن بعد خمس سنين
تقريبا تم تعديل الاتفاقية وتم التوقيع على اتفاقية تانية سنة 1990
وكانت الاتفاقية دى
بتفاصيل واجراءات اكتر بخصوص التأشيره الموحده وغيره
وبعد خمس سنين تانيين
سنة 1995 تم تطبيق الاتفاقية واقعياُ بين الدول الموقعه عليها
وهى دى الاتفاقية اللى
موجوده ومعمول بيها من وقتها ولحد الان .
طيب ايه هى اهم الدول
اللى مانضمتش لدول الشنجن ؟
اهم الدول دى كانت
المملكه المتحده واللى فضلت انها تحافظ على استقلالية حدودها
ومع ذلك المملكه
المتحده وايرلندا شاركو دول الشنجن فى بعض الامور
زى النظام المعلوماتى
لدول الشنجن ودا كان خلال سنتين فقط من سنة 2000 لـ 2002
طيب ايه هى مميزات
اتفاقية شنجن ؟
اول ميزه هى حرية
التنقل بين ال26 دوله زى ماقولنا بدون اى قيود او اجراءات
كمان تقدر تتعامل فيهم
بالبيبع والشراء ونقل الاموال بينهم وبعمله موحده وهى اليورو
كمان تعتبر المجموعه من
اقوى المجموعات الاقتصاديه فى العالم واكبرها
مساحة دول الشنجن مع بعض حوالى 4.3 مليون كيلوا متر مربع
وبيعبر من خلالها سنوياً حوالى 1.3 مليار شخص من مختلف انحاء العالم
طيب ايه هى عيوب
الاتفاقية دى بالنسبه للدول الموقعين عليها ؟
اول عيب بالنسبالهم هو
المهاجرين اللى بدأوا يتجهوا ليهم بشكل كبير عن قبل كده
ودا خلى بلد زى المانيا
مثلا تعلن رقابتها على حدودها مع النمسا والمجر
لان هما دول اكتر
دولتين كان بيعبر من خلالهم المهاجرين واللاجئين وقتها
كمان بسبب المهاجرين
الغير شرعيين اللى بيعبروا للمجر عن طريق صربيا
دا خلى المجر تبنى سياج
فاصل على حدودها مع صربيا للحد من الموضوع ده
والنمسا كانت من الدول
اللى بدأت تقييد حركة المهاجرين ليها عن طريق المجر
ودا كان من خلال
مراقبتها للطرق والسكك الحديديه الواصله بين الدولتين
ومؤخرا قامت المجر
ببناء اسوار عازله على حدودها مع كرواتيا وسلوفينيا لنفس السبب
اتفاقية شنجن بتسمح لدول المنطقه فرض ظوابط حدوديه على اراضيها فى حالات معينه
يعنى مثلا لو كان الموضوع متعلق بالسياسه العامه للدوله او الامن على اراضيها
فمن حقها وضع ضوابط
حدوديه للرقابه على حدودها الداخليه
الضوابط دى بتكون فى
البدايه لمدة 10 ايام بس , ولو استمر التهديد الامنى
ممكن تجديدها لمدة 20 يوم تانيين , واقصى مده للتجديد هى شهرين متتاليين
ولو كان تهديد الحدود
مازال متوقع فممكن الحصول على مده اضافيه اقصاها 6 شهور
فى خلال المده دى تقدر
الدوله المتضرره تظبط امورها وتحمى حدودها الداخليه
وفقا للقانون رقم 26 من
اتفاقية شنجن
ممكن تمديد المدة لظروف قهريه استثنائيه لمدة سنتين كاملين
وحاليا بالفعل فيه 6
دول من دول الشنجن قاموا بوضع الضوابط الحدوديه دى
وهما المانيا وفرنسا
والسويد والدنمارك والنرويج والنمسا .
وكده نكون وصلنا لنهاية الموضوع اتمنى اكون وضحت كل شئ بخصوص الموضوع
ولو فيه عندك اى سؤال او استفسار عن شئ معين اتفضل اكتبه ف كومنت
ولو عجبك الموضوع طبعا ماتبخلش بالدعم بعمل مشاركه مع اصدقاءك
ونتقابل على خير ان شاء الله ....