اهلا وسهلا بيكم فى موضوع جديد هنتكلم فيه مع بعض عن اللجوء عن طريق المطار
يعنى اللجوء بطريقه
آمنه من خلال تأشيرة شنجن او حتى ترانزيت فى دوله اوروبيه
بعض الناس هتقول طيب
ماهو تاشيرة الشنجن مش سهل الحصول عليها !
هقولك انت برده لو حاولت بطريقه تانيه زى التهريب مثلا مش هتكون سهله برده
هتكون صعبه جدا وخطر
جدا على حياتك وكمان مكلفه جدا ماديا
يعنى انا سمعت مؤخرا ان المهربين من تركيا والمناطق الحدوديه بيطلبوا مبالغ كبيره
بتوصل احيانا ل8000
و10000 يورو مقابل بس انه يوصلك لحدود اليونان او ايطاليا
انت بتدفع المبلغ دا
وبتخاطر بحياتك لمجرد انك توصل على حدود اوروبا بس !!
وممكن بعد كده تترحل او
يحصل معاك اى مشكله مش عامل حسابها ومايتقبلش لجوئك
وقتها هتبقى خسرت وقت وجهد وفلوس ومخاطره وكل دا راح على الارض
انت بالفلوس دى بس لو حطيتها فى حساب فى البنك واشتغلت عليه سحب وايداع فتره
فى خلال 6 شهور هيكون
معاك كشف حساب محترم تقدر تقدم بيه على الشنجن بسهوله
وفيه بعض الناس او
المكاتب اللى بتساعد فى باقى الاجراءات والمتطلبات بمقابل مادى
فى النهايه يعنى انت
بتبقى بتحاول فى حاجه آمنه على حياتك وعلى فلوسك على الاقل
تعالو ندخل فى الموضوع على طول
ونتكلم بشكل مفصل ومبسط عن اللجوء عن طريق المطارات فى أوروبا
تابع معايا للآخر ولو اول مره بتشوفنى وشايف ان المحتوى مفيد
اضغط لايك وشارك الفيديو مع غيرك عشان الكل يستفيد
واشترك فى (القناه على يوتيوب) وفعل الجرس عشان تشوف اى فيديو جديد
لما بتقدم طلب لجوء فى
مطار دوله اوروبيه على الاغلب بتنتظر فى منطقة الترانزيت
ومدة انتظارك دى بتكون
على حسب ظروفك وقتها لكن احيانا بتوصل لشهرين واكتر
وبينطلب منك تسليم
وثائق السفر والهويه وبيتم اجراء المقابله الاولى معاك فى المده دى
طيب ازاى اصلا بيتم طلب اللجوء والتسجيل بعد الوصول للمطار ؟
او ماتوصل المطار
مباشرة بتروح ع المكتب التابع لادارة الهجره او السلطات المختصه
بتقدم طلب اللجوء وهما
بيقوموا مباشرة بتسجيلك وتصويرك واخد بصماتك
طبعا لازم تكون متجه من
بلد الاقلاع مباشرة للبلد اللى انت عاوز تقدم اللجوء فيها
لان لو ظهر على السيستم
ان ليك بصمه فى دوله تانيه هيتم ارجاعك ليها مره تانيه
لكن فيه حالات معينه ممكن ماترجعش فيها وتطلب استشاره قانونيه فى المطار
الحالات دى زى مثلا لو
انت عديت على دوله تانيه قبل وصولك الدوله اللى انت فيها
بس فى حالة اعادتك للدوله دى تانى هى كمان هتقوم باعادتك لبلدك الاصلى مثلا
لو قدرت تثبت حاجه زى
دى وانك معرض لاى خطر او تهديد فى بلدك مش هترجع
فى المقابله الاولى
هيتم التأكد من اذا كان طلب لجوئك فى الدوله دى مسموح بيه ولا لا
واللى هيعمل معاك المقابله دى غالبا هيكونوا من شرطة المطار مش ادارة الهجره
وبيتم استجوابك فى
المقابله دى وطرح بعض الاسئله عليك عن هويتك وهوية عائلتك
وعن الطريقه اللى وصلت
بيها للمطار وسبب اختيارك للجوء فى الدوله دى تحديدا
وكمان عن الاسباب اللى
جعلتك تهرب من بلدك وتفكر فى اللجوء لدوله تانيه
وبيكون من حقك طبعا
تطلب مترجم لو مكنتش فاهم اللغه اللى بيكلموك بيها
المقابله الاولى دى بتكون مهمه جدا ولازم تاخد بالك من شوية حاجات وتركز فيهم
يعنى انك تذكر جميع
الاسباب المهمه اللى جعلتك تقرر الهروب من بلدك زى ماقولنا
كمان لو مكنتش قادر انك
توفر وثائق اثبات يبقى لازم توضح وتشرح السبب
ولو كنت بتعانى من اى
مرض معين قول لان هما كده كده هيعملولك فحص شامل
وفى النهايه قبل ماتوقع
على محضر المقابله لازم تتأكد طبعا ان المعلومات اللى انت قدمتها كلها صحيحه
ودقيقه ومفيهاش اى تحريف
بالنسبه للوثائق اللى
ممكن تقدمها عشان تدعم طلبك فى اللجوء ..
طبعا زى ماقولنا قبل
كده ان من اهم شروط قبول اللجوء
انك تكون اتعرضت او مهدد بالتعرض للعنف او التنكيل او الاضطهاد او القتل
او اى معامله عنصريه
بسبب دينك او عرقك او جنسك او حتى أفكارك وميولك الجنسى
وطبعا لازم تثبت
بالوثائق اى سبب تذكره من الاسباب دى
من خلال صور مثلا او
مقاطع فيديو توثق تعرضك للاضطهاد او ماشابه
او تسجيلات هاتفيه تثبت
تعرضك للتهديد مثلا بسبب حاجه من اللى ذكرتها
حالة حرب فى بلدك مثلا
او المدينه اللى انت عايش فيها مهدده من فصائل معينه
المهم زى ماقولنا لازم تقدم اى وثائق وادله ماديه على اى سبب تقوله من الاسباب دى
كمان حاول تحتفظ بنسخه
من كل الوثائق او المستندات اللى هتقدمها لهم
وبلاش تكذب فى اى
معلومات عن هويتك او سنك لانهم ممكن يستعينو بخبير للتأكد منها
ودا طبعا فى حالة لو
شكو فى كلامك او فى صحة اى وثيقه من الوثائق اللى قدمتها
بعد تقديمك للوثائق دى
هيتم تسليمك بطاقة الهويه لطالبى اللجوء او(اقامةاللجوء المؤقته)
وبعد كده هيتم اجراءا
مقابله تانيه معاك فى المطار من سكرتارية الدوله للاجئين
وفى المقابله دى بيتم
طرح بعض الاسئله عليك زى المقابله الاولى برده
لكن المره دى بشكل مفصل
ودقيق اكتر لان دى المقابله اللى بتحدد القبول او الرفض
يعنى بعد المقابله دى
يا اما بيتقبل طلبك وتخرج من المطار وتدخل جوه الدوله
او بيترفض طلبك وبيكون
من حقك تقدم اعتراض على القرار لو شايف انه غير عادل
اجراءات اللجوء فى
المطار بشكل عام بتاخد وقت من اسبوعين لشهرين كحد اقصى
لكن لو سكرتارية الدوله
للاجئين ما اتخذتش قرار بشأن طلبك فى خلال 20 يوم
ساعتها بيكون من حقك
الدخول لأحد الكامبات الخاصه باللاجئين القريبه من المطار
كمان تقدر ترفع دعوى
عليهم فى حال طالت المدة اكتر من اللازم
عشان كده لازم تتواصل
مع مركز تقديم المشورات القانونيه اللى موجود فى المطار
دا كده بالنسبه للجوء عن طريق المطارات بشكل عام بأى نوع فيزا
اما بالنسبه للجوء من
خلال الترانزيت فيه بعض النقاط المختلفه هنوضحها مع بعض
اللجوء فى اوروبا عن
طريق الترانزيت يعتبر من الطرق الآمنه اللى بيبحث عنها كتير من طالبى اللجوء
للابتعاد عن جحيم التهريب ومخاطره
ويعتبر من اسهل الطرق للوصول لأى دوله سواء لزياره سريعه او لغرض اللجوء
يعنى ممكن اللجوء عن
طريق الترانزيت ؟ اه طبعا ممكن لكن بشروط
اولها انك تخرج من صالة الترانزيت جوه المطار عشان تقدر تقدم طلب اللجوء
ودا لان زى ماقولنا قبل
كده صالة الترانزيت فى اغلب دول اوروبا بتعتبر ارض دوليه
طيب هل الخروج من صالة الترانزيت ممكن ؟
هو الخروج من صالة
الترانزيت مش سهل طبعا لكنه برده مش امر مستحيل يعنى
تفاقم اعداد اللاجئين
فى اوروبا مؤخرا خلى الخروج من صالة الترانزيت صعب جدا
خصوصا للأشخاص اللى جايين من دول فيها مشاكل داخليه او ازمات اقتصاديه وغيره
لان دول طبعا اللى
بيكون الشك فيهم اكتر ان سبب خروجهم هو طلب اللجوء
قبل الأزمة السوريه مكانتش اوروبا بتشدد كتير على
الخروج من صالة الترانزيت
لكن بعد تفاقم ازمة
اللجوء فى اوروبا من بعد سنة 2015 والموضوع اتغير تماما
اصبح الوضع حاليا فى
اغلب الدول غير مسموح بالخروج من صالة الترانزيت
الا اذا كان الشخص يحمل
فيزا شنجن ساريه .. ساعتها يقدر يخرج عادى
لان بالتأكيد اى حد
معاه فيزا شنجن مش هيفكر فى اللجوء لأوروبا بالشكل ده
لانه يقدر يدخل اوروبا
بشكل مباشر ويقدم طلب اللجوء داخل البلد بكل سهوله
بالنسبه لموضوع الترانزيت بشكل عام واذا كان بيحتاج فيزا ولا لا
دا بيختلف على حسب
جنسية الشخص والدوله اللى فيها الترانزيت ومدة الترانزيت
يعنى الافضل انك تتواصل
سفارة الدوله اللى هتعمل فيها الترانزيت وتسأل وتستفسر عن كل حاجه قبل ماتحجز
التذاكر او تاخد اى اجراء
يبقى كده اهم نقطتين بالنسبه لموضوع اللجوء عن طريق الترانزيت
هو التأكد من موضوع اذا كنت محتاج فيزا ولا لا .. وخروجك من صالة الترانزيت
وحاول ماتبدأش فى طلب
اللجوء فى المطار الا بعد اقلاع الطياره اللى انت جاى عليها