الموضوع كامل فى الفيديو هنا 👇
اهلا وسهلا بيكم فى
موضوع جديد هنتكلم فيه عن اسهل دوله اوروبيه تاخد منها فيزا شنجن
ليتوانيا هى دوله من دول منطقة البلطيق وعدد سكانها حوالى 3 مليون نسمه
وهى دوله عضو فى الاتحاد الاوروبى وحلف شمال الاطلسى
عاصمتها فيلبيوس ولغتها الرسميه هى اللغه الليتوانيه والكاثوليكيه هى الديانه
السائده
بتتميز ليتوانيا بإرتفاع مؤشرات التنمية الإقتصادية ومستوى المعيشه فيها
تعالو بينا ندخل فى الموضوع على طول ونتكلم عن طرق السفر والهجره للبلد دى
وايه هى الشروط والمتطلبات وايه الخطوات اللى بتتم من البدايه لحد ماتسافر
تابع معايا للآخر ولو كنت اول مره بتتابعنى وعجبك المحتوى
اعمل مشاركه للموضوع واشترك فى (القناه على يوتيوب) وفعل الجرس عشان تشوف اى فيديو جديد
-------------------------------------------------------------------------------
بحسب الاحصائيات اللى نشرتها المفوضيه الاوروبيه السنادى بخصوص قبول الفيزا
سفارات ليتوانيا السنه اللى فاتت استلمت حوالى 359 الف طلب للحصول على تأشيره
واتقبل منهم بالفعل حوالى 354 الف طلب وحصل اصحابهم على نوع من انواع الفيزا
يعنى نسبة القبول اكتر من 98% ونسبة الرفض كانت حوالى 1,3%
وطبعا دى نسبه ضعيفه جدا مقارنة بباقى الدول الاوروبيه
والجدير بالذكر هو ان نسبة الرفض دى هى نفس النسبه برده السنه اللى قبلها
ودا معناه ان نسبة القبول والرفض مستقره الا حد ما ومش متقلبه او متغيره باستمرار
وذكرت الاحصائيه ان ليتوانيا تعتبر تانى بلد اوروبى بمعدل رفض منخفض بعد ايسلندا
فيه عدد كبير من الناس من مختلف الجنسيات بيختاروا الهجره لليتوانيا سنويا
والهجره لليتوانيا متاحه بطرق معينه هنذكرها دلوقتى مع بعض بالتفصيل
الطريقه الاولى هى الهجره عن طريق فيزا السياحه
زى ماقولنا فى كل الفيديوهات الخاصه بالهجره دى تعتبر من اسهل طرق الهجره
بيكون مطلوب منك تجهيز الملف الخاص بالتقديم على طلب التأشيره
اول حاجه بتحمل استمارة الطلب من موقع السفاره وبتملى كل البيانات اللى فيها
لازم تكون حريص انك ماتسيبش اى خانه فاضيه حتى لو انت شايفها مش مهمه
ولازم تكون مركز وانت بتكتبها وتتأكد من دقة البيانات وفى الاخر بتوقع عليها
واذا كان الشخص اللى بيقدم دا قاصر لازم والديه اللى يعملوا الخطوات دى
لازم جواز السفر بتاعك يكون سارى لمدة 3 شهور على الاقل وكمان صوره منه
وصورتين شخصيتين ويكونوا بنفس الشكل الموجود فى الباسبور
طبعا مش لازم نفس الصوره بالظبط لكن المهم تكون الملامح واحد مش مختلفه
هتقدم كشف حساب بنكى لآخر لاخر 6 شهور ويكون فيه مبلغ مناسب
طبعا مش مطلوب مبلغ معين لكن يفضل يكون مش اقل من 6 او 8 الاف دولار مثلا
وهتقدم اثبات دخل سواء وظيفه براتب معقول مناسب مع كشف الحساب
او عمل خاص زى شركه مثلا وبتقدم السجل التجارى والبطاقه الضريبيه بتاعتك
هتعمل تأمين صحى للسفر يغطى مدة الفيزا وتكون قيمته مش اقل من 30 الف يورو
طبعا دا مجرد رقم بيكون مكتوب فى التأمين لكن تكلفة التأمين بتكون مبلغ بسيط
بتعمل حجز طيران مبدأى ذهاب وعوده وحجز فندق ويفضل يكون حجز الفندق مؤكد
وطبعا تاخد بالك ان حجز الفندق مدته متناسبه مع مدة اقامتك
وكمان سعره يكون متناسب مع وضعك المالى الموضح فى كشف الحساب
لو كنت متزوج بتقدم اثباتات زى وثيقة الزواج ولو عندك اطفال بتقدم شهادة ميلادهم
ويفضل انك تقدم ورقه مكتوب فيها تفاصيل رحلتك وخطة سفرك
يعنى زى بلان كده للرحله كلها من اول ماتوصل وهتروح فين وتقعد قد ايه وكده
وطبعا تاخد بالك ان حجز الفندق يكون مناسب مع الخطه دى فى كل مدينه هتروحها
يعنى لو انت هتقعد فى مدينه معينه عدد ايام معين يكون دا موضح فى حجز الفندق
ماتبقاش هتزور اكتر من مدينه وكل مدينه عدد ايام معين وحجز الفندق فى مكان مختلف
الطريقة التانيه هى الهجره عن طريق العمل
عشان تقدر تحصل على تأشيرة عمل لليتوانيا لازم تحصل على تصريح عمل اولا
وعشان تقدر تحصل على التصريح او العقد دا وانت خارجها
لازم يكون صاحب العمل محتاج لمهنتك او تخصصك ومفيش حد تانى هناك يقوم بيها
يعنى قبل اى شئ لازم الاول تلاقى صاحب العمل الليتوانى اللى هيبعتلك العقد
وتعمل الاتفاق معاه حسب احتياجه وحسب مجال عملك وبعد كده يبدأ فى الاجراءات
لازم يعمل هو عقد العمل هناك ويوثقه الاول وبعد كده يبعتهولك فى بلدك
ولكن قبل مايتم توثيق العقد فى ليتوانيا فى منظمة العمل لازم يتم الاعلان عن
الوظيفه
يعنى منظمة العمل بتقوم بعمل اعلان عن وظيفه شاغره حسب التخصص فى العقد
الاعلان دا بيفضل معروض لمدة شهر على الاقل قبل الموافقه على التوثيق
وخلال الشهر دا طبعا
ممكن اى حد فى ليتوانيا يتقدم للوظيفه دى لو مناسبه له
ولكن برده القرار فى
النهايه بيكون راجع لصاحب العمل انه يوافق او لا
يعنى ممكن يشوف الشخص
اللى بيتقدم للوظيفه من داخل ليتوانيا مناسب او مش مناسب
وفى الحاله دى ممكن
يرفض توظيفه ووقتها يقدر يكمل اجراءات توثيق عقد العمل
طبعا زى ماحنا شايفيين الموضوع مش سهل وبيحتاج وقت لكنه مش مستحيل برده
كل الحكايه انها اجراءات
قانونيه لابد من تنفيذها بخطوات متتاليه
اهم شئ بالنسبالك انت
المؤهلات وشهادات الخبره فى مجال الوظيفه دى
لازم يكون عندك خبره
سنه واحده على الاقل فى نفس مجال العمل
بعد كده بتاخد كل
الاوراق دى مع عقد العمل المرسل وتاخد موعد فى السفاره الليتوانيه
وبتروح فىا لموعد
المحدد تعمل المقابله وتقدم اوراقك وتنتظر الرد من السفاره
الرد غالبا بيحتاج وقت
من اسبوعين ل20 يوم تقريبا عشان تستلم التأشيره
وبعد ماتسافر بتعمل
اجراءات الاقامه وبتكون مدتها حسب المده الموجوده فى العقد
الطريقه التالته هى الهجره عن طريق اللجوء
طبعا موضوع اللجوء
عموما اتكلمنا عنه كتير قبل كده فى الموضوعات اللى فاتت
وبالنسبه لليتوانيا
فالموضوع مش بيختلف كتير يعنى عن باقى دول اوروبا
تقدر تقدم طلب لجوئك من خلال المعابر الحدوديه او مراكز الشرطه او مكاتب تسجيل
الأجانب
لو كان معاك اسرتك
بتقدر انت تخلص كل الاجراءات القانونيه بالنيابه عنهم
وبيتم احتجاز الاطفال
والقصر بعد التقدم بطلب اللجوء وفقاً للقانون
بيتم مراجعة طلبك
والنظر فيه من خلال وزارة الداخليه وادارة الهجره واتخاذ القرار
فى اثناء مراجعة الطلب
بيكون ليك بعض الحقوق وعليك بعض الالتزامات
بيكون من حقك الاقامه
فى المخيمات الخاصه باللاجئين والاستفاده من الخدمات
كمان بيكون من حقك
الاستفاده من المساعدات القانونيه والماديه اللى بتقدمها الحكومه
وفى بعض الحالات بيحصل
اللاجئ على تعويض عن استخدام وسائل النقل العام
وبتتمتع بكل الخدمات
الصحيه والخدمات الاجتماعيه وكما الترجمه المجانيه للمستندات
وليك الحق فى الحصول
على اذن شهرى للاجتماع بممثلى منظمة اللجوء ومقابلتهم
والاستفاده من كافة
القوانين اللى بتكفلها دولة ليتوانيا والمعاهدات الدوليه
وبالنسبه لاولادك بيكون
من حقهم الالتحاق بالمدارس العامه
الطريقه الرابعه هى الهجره عن طريق الزواج
يعنى لو انت تعرف مواطن ليتوانى وبتخططوا للزواج ممكن يبعتلك دعوه زياره
ولكن الموضوع مش مقتصر على الدعوه وخلاص , بيكون فيه شروط تانيه
زى مثلا ان الشخص دا يكون مقيم فى ليتوانيا لمدة سنتين على الاقل بشكل قانونى
او يكون قضى سنتين يعنى من اقامته القانونيه الاولى عشان يتمكن من دعوة الشريك
وبيقدم مايثبت ان عنده دخل ثابت كافى لشخصين وعنده سكن مناسب برده ليهم
واقامتهم الاولى هتكون لمدة سنه واحده على الاقل بشكل مؤقت
لحد مايثبتوا انهم فعلا هيكملوا مع بعض وان ليهم الحق فى الحصول على الاقامه
الدايمه
ودا بيكون من خلال تحريات ومقابلات مع الجهات المختصه بشكل مستمر
ومراقبة حياتكم مع بعض وهل الموضوع جاد فعلا ولا مجرد مصلحه يعنى
والموضوع دا عموما اجراءاته بتاخد وقت من شهرين لـ أربع شهور تقريبا
وكده نكون وصلنا لنهاية الموضوع اتمنى يكون كل شئ واضح ومفهوم
طبعا الهجره الى
ليتوانيا هى الغرض منها الدخول لاوروبا بشكل شرعى
يعنى مش شرط انك تستقر فيها تقدر تروح منها لأى دوله اوروبيه تانيه
اهم شئ زى ماقولنا هو حصولك على عمل رسمى فى الدوله اللى انت فيها
دا اللى هيضمنلك بقائك فيها بشكل شرعى وقانونى ويضمنلك حياه كريمه